Жолжелкен

жапырақтары

Химиялық құрамы:
Жолжелкен жапырақтарының құрамында аукубин гликозиді, флавоноидтер (байкалин, скутелярин), полисахаридтер, илік заттар, шырышты заттар, каротиноидтер (ксантопилл), кремний, олеан және лимон қышқылдары, аскорбин қышқылы, К дәрумені, минералды тұздар, мырыш және оксикор қышқылдары бар.
Жолжелкен жапырағында биологиялық белсенді заттар – пектин, иридоидтер, флавоноидтер және сапониндер кездеседі.
Пектин жараның жазылуын тездетеді, ал аукубин гликозиді мен оның ыдырау өнімдері айқын қабынуға қарсы әсер көрсетеді.
Сапониндер, пектинді заттар, флавоноидтер және оксикор қышқылдары қандағы холестерин деңгейін төмендетіп, гипохолестеринемиялық әсер етеді.

Фармакологиялық қасиеттері:
Жолжелкен антисептикалық, қабынуға қарсы, түйілуді басатын, қақырық түсіретін және қабықтайтын қасиетке ие, тіндердің қайта қалпына келуін тездетіп, асқазан сөлінің бөлінуін белсендіреді.
Ас қорытуды реттейді, тәбетті арттырады, асқазан мен ішектің бұлшық еттерін босаңсытады.
Гастрит, гастродуоденит және асқазан-ішек жолының қабыну ауруларында қалпына келтіретін және қабынуға қарсы әсер береді.
Шырышты және фитонцидті заттардың арқасында қақырық түсіріп, тыныс алу жолдарының эпителийін қорғайды және қалпына келтіреді.
Сапониндер, оксикор қышқылдары, флавоноидтер мен пектиндер қандағы холестерин деңгейін төмендетуге ықпал етеді.

Құрамы: жолжелкен жапырақтары – 30 г.

Қолдану тәсілі:
10 г (2 ас қасық) шикізатты эмальды ыдысқа салып, 200 мл (1 стакан) қайнаған су құяды.
Қақпағын жауып, су моншасында 30 минут қыздырады, содан кейін бөлме температурасында 10 минут суытады.
Сүзеді, қалған шикізатты сығып, алынған тұнбаның көлемін қайнаған сумен 200 мл-ге жеткізеді.
Күніне 3–4 рет тамақтан кейін 1/3 стаканнан жылы күйінде қабылдайды.

Қарсы көрсетілімдер: Өнім компоненттеріне жеке төзімсіздік жағдайында қолдануға болмайды.