Құлқайыр

судан раушанының гүл жапырақшалары

Құлқайыр (гибискус, судан раушаны, қызыл мысыр шайы) – араб елдерінен кең тараған белгілі шай түрі.
Гибискус шаршау мен әлсіздік белгілерін жеңілдетуге, иммунитет төмендеген кезде ағзаны қолдауға көмектеседі.
Шайдың маңызды қасиеттерінің бірі – қан қысымын төмендететін әсері. Ол диабетпен немесе гипертониямен ауыратын адамдарға ұсынылады.
Монитор алдында көп уақыт өткізетін адамдар үшін құлқайыр шайы көздің көру қабілетін сақтауға ықпал етеді.
Шайды үнемі тұтыну тері түсін жақсартып, беттің безеулерін азайтады.

Құлқайыр шайын ыстық күйінде де, салқындатылған түрде де ішуге болады. Шығыс елдерінде гибискустан шай дайындаудың ежелгі тәсілі бар: гүл күлтелерін қайнатпай, бұлақ суына салып, бір тәулікке қалдырады.
Нәтижесінде тәтті-қышқыл дәмі бар, қанық қызыл түсті хош иісті сусын алынады.