Қара андыз

тамырлары тарам тамырларымен

Химиялық құрамы:
Қара андыздың тамырлары мен тамырсабақтарында инулин (44%-ға дейін) және басқа полисахаридтер (псевдоинулин, шайырлар, камедь), алкалоидтардың іздері, стероидтар (стигмастерин, γ-ситостерин, β-ситостерин глюкозиді), сапониндер, органикалық қышқылдар және эфир майы (4,3%-ға дейін) кездеседі. Эфир майының құрамында бициклді сесквитерпенді лактондар (алантолактон, изоалантолактон, дигидроалантолактон), алантон, проазулен және α-токоферол бар.

Фармакологиялық қасиеттері:
Қара андыз препараты қақырықты сұйылтады, оның түсуін жеңілдетеді, тыныс жолдарының шырышты қабаттарындағы секрецияны азайтады, тәбетті ашады және ас қорытуды жақсартады. Ішектің секреторлық белсенділігін төмендетіп, перистальтикасын реттейді, өттің түзілуі мен он екі елі ішекке бөлінуін ынталандырады.
Тыныс алу қызметін белсендіреді, зәр айдауды және тер бөлуді жеңіл арттырады, құртқа қарсы және микробқа қарсы әсер көрсетеді, етеккірді реттеуге көмектеседі.

Қара андыз жедел және созылмалы тыныс жолдары ауруларында (бронхит, трахеит, жоғарғы тыныс жолдарының катары, қақырықты жөтел) және тұмауда жақсы әсер береді. Асқазан-ішек жолдарының ауруларында (гастрит, энтероколит, инфекциялық емес диарея), бауыр мен бүйрек ауруларында қолданылады.
Тәбет ашатын құрал ретінде, ас қорытуды жақсарту, жиі кекіру мен метеоризм кезінде жағымсыз иісті жою үшін, геморройда, құрт инфекцияларында және мардымсыз етеккірде көмектеседі.

Қарсы көрсетілімдер: өнім компоненттеріне жеке көтере алмаушылық.