Түймедақ шайы

Түймедақ сусынын әсіресе салқын мезгілде тұмаудан қорғану және көңіл-күйді көтеру үшін ішу пайдалы, бірақ бұл сусынды тыныштандырғыш және несеп шығарғыш құралдармен араластыруға болмайды.
Түймедақ шайын орынды мөлшерде тұрақты түрде кәдімгі шайдың орнына қолдануға болады. Бұл сусын асқазан шырышты қабығына жақсы әсер етеді және тіпті гастритпен күресуде көмекші құрал ретінде қолданылады. Сондай-ақ ол тұтқырлықтан және асқазандағы ауырлық сезімінен арылтады, микрофлора балансын қалпына келтіреді.

Түймедақ шайын ұзақ дастархан соңында, тым көп тамақ жеген жағдайда ішу ұсынылады.

Түймедақта С витамині болғандықтан, бұл гүлден жасалған шай иммунитетті нығайтады және суық тию аурулары кезінде жеңілдетеді: тамақ жұтқан кездегі ауырудан, тұмаудан арылтады, қызбаны төмендетеді. ЖРВИ мен суық тию аурулары алдын алу ретінде түймедақ шайын салқын кезеңде аптасына кемінде бес рет ішу ұсынылады.

Түймедақта флавоноидтар және азулендер бар, олар антибактериалдық әсерге ие. Сондықтан түймедақ шайы цистит және жалпы несеп-жыныс жүйесінің аурулары, пиелонефриттен сақтандыру және емдеу құралы ретінде жақсы. Ол мигреньден арылтады, қандағы холестерин мен қантты төмендетеді, жүрек бұлшықетін нығайтады.